Партнёры Беларусі павінны мець аб'ектыўны погляд на падзеі, якія адбываюцца ў краіне. Пра гэта заявіў сёння журналістам міністр замежных спраў Беларусі Уладзімір Макей па выніках перамоваў з дзяржміністрам па справах Еўропы і Амерыкі МЗС Вялікабрытаніі Аланам Дунканам, піша БелТА.

Кіраўнік беларускага замежнапалітычнага ведамства расказаў, што падчас візіту ў Беларусь Алан Дункан сустракаўся з прадстаўнікамі розных катэгорый грамадзянскай супольнасці, у тым ліку з кіраўніцтвам і членамі як урадавых, так і няўрадавых арганізацый.

«Самае важнае, каб у нашых партнёраў існаваў аб'ектыўны погляд на тое, што адбываецца ў Беларусі. Так, мы маем недахопы, мы маем праблемы. Але важна не дэманізаваць тую ці іншую краіну завочна, нават не пабываўшы ў ёй. Важна мець рэальны, аб'ектыўны погляд на сітуацыю, таму што гэта дазваляе абмяркоўваць існуючыя праблемы адкрыта, спрабаваць знайсці іх рашэнне, нават, можа быць, кампраміснае. гэта стварае добрую аснову для пазітыўнага руху ў будучыню», - перакананы Уладзімір Макей.

У сваю чаргу брытанскі міністр адзначыў, што на мінулых сустрэчах падымаліся самыя розныя, нават нязручныя для беларускага боку тэмы.

«Калі мы абмяркоўвалі іх, мне імпанавала тая шчырасць, якая была з боку беларускіх калег пры абмеркаванні гэтых пытанняў», - сказаў Алан Дункан.-