Васіль Мацюшэўскі, фота Сяргея Гудзіліна
Віцэ-прэм’ер Васіль Мацюшэўскі, адказваючы на пытанні журналістаў у кулуарах Беларускага інвестфоруму, што праходзіць сёння ў Мінску, распавёў пра дэкрэт аб спрашчэнні вядзення бізнэсу, які, з яго словаў, павінен выйсці «найбліжэйшым часам».
«Той пакет, пра які мы кажам, ён рэвалюцыйны. Там дзесяць дакументаў, якія мусяць цалкам змяніць увесь бізнэс-асяродак. Мы таксама запросім экспертаў, бізнэсоўцаў, прэсу, каб глыбока пагрузіцца і абмеркаваць яго пакрокава».
«Якой рэакцыі чакаем? Дзве задачы: самазанятасць насельніцтва і спрашчэнне ўваходу ў бізнэс, а таксама лічбаванне ўсёй эканомікі. І прэзідэнт хацеў бы сустрэцца ў больш шырокім фармаце. Пасыл яго такі: прэзідэнт не хоча паўмераў у эканоміцы», — дадаў Мацюшэўскі.
