29.09.2017 / 19:20

У кастрычніку Microsoft канчаткова адмовіцца ад падтрымкі Office 2007 2

Office 2007 дасягне заканчэння падтрымкі жыццёвага цыкла ў гэтым годзе. Гэта значыць, што больш не будзе абнаўленняў бяспекі і абнаўленняў, не звязаных з бяспекай, бясплатных і платных варыянтаў падтрымкі, а таксама тэхнічных абнаўленняў змесціва, паведамляюць распрацоўшчыкі кампаніі Microsoft.

Пачынаючы з 10 кастрычніка 2017 года, Microsoft больш не будзе даваць тэхнічныя кансультацыі, у тым ліку на камерцыйнай аснове. У кампаніі падкрэсліваюць, што гаворка ідзе аб завяршэнні жыццёвага цыкла усяго пакета праграмных прадуктаў, якія ўваходзілі ў склад 2007-й версіі Office: Word, Excel, PowerPoint, OneNote, Visio, Outlook і іншыя.

Кліентам, якія выкарыстоўваюць тавары і паслугі Office 2007, варта пачаць планаванне пераходу на Office 365 ці абнаўленне на падтрымоўваныя версіі прадуктаў і сэрвісаў Office, напрыклад, на Office 2016, кажуць спецыялісты кампаніі.

Насамрэч ніхто не забараняе вам карыстацца састарэлым прадуктам кампаніі і надалей з той толькі розніцай, што ён не будзе абнаўляцца, з-за чаго можа працаваць не заўсёды стабільна. Таксама могуць узнікнуць праблемы з забеспячэннем бяспекі вашых даных.

Ілья Параскевіч

2
Pich / Адказаць
29.09.2017 / 19:58
Хуткасць з якой Майкрасофт пачаў выпускаць новыя вэрсіі сваіх базавых прадуктаў зашкальвае. Не пасьпеваеш за імі. Тым больш што здараецца - уводзіцца новая тэхналёгія а потым бац і ад яе адмаўляюцца. Я чакаю ад іх тэлефона мабільнага. Таксама абяцалі.
0
Железяка дура, драйвер молодец. / Адказаць
30.09.2017 / 13:05
Как только перестал поддерживать ХР, стала летать что дурная)))
Каб пакінуць каментар, калі ласка, актывуйце JavaScript у наладах свайго браўзеру