Фота УУС Гродзенскага аблвыканкама
Інцыдэнт здарыўся ў канцы мінулага тыдня, паведамляе УУС Гродзенскага аблвыканкама.
Тралейбус пад'ехаў на прыпынак «Універсам Кастрычніцкі». Кантралёр зайшла ў салон і пачала правяраць аплату праезду.
У тралейбусе ехаў 59-гадовы мужчына, ён талон не прабіў. Кантралёр папрасіла яго выйсці. Пасажыр штурхнуў яе. Кантралёр атрымала ўдар грудной клеткі і пашкодзіла палец на руцэ.
На месца прыбылі супрацоўнікі міліцыі і затрымалі пасажыра. Заведзена крымінальная справа па артыкуле «Гвалт у адносінах да службовай асобы».
