Экстрэмісцкая групоўка «Ісламская дзяржава» праз звязанае з ёй інфармагенцтва распаўсюдзіла заяву аб тым, што страляніну ў Лас-Вегасе ўчыніў яе прыхільнік, паведамляе ВВС.
Як гаворыцца ў заяве агенцтва «Амак», нападнік у Лас-Вегасе прыняў іслам яшчэ некалькі месяцаў таму. Групоўка не дала якіх-небудзь пацверджанняў гэтай заявы.
Афіцыйныя асобы ў ЗША заявілі, што пакуль не выявілі сувязі дзеянняў стралка з джыхадзісцкімі групоўкамі.
«Атака ў Лас-Вегасе была выкананая салдатам Ісламскай дзяржавы ў адказ на заклікі атакаваць краіны кааліцыі [дзяржаў-партнёраў па барацьбе з ІД]», — сцвярджае агенцтва.
