Расійскі апазіцыянер Аляксей Навальны трэці раз за год адпраўлены пад арышт. Сіманаўскі суд Масквы даў яму 20 сутак за пасты ў сацыяльных сетках з заклікам выходзіць на мітынг у Ніжнім Ноўгарадзе
«Я вас не вазьму ў цудоўную Расію будучыні», - пракаментаваў рашэнне суддзі сам Навальны. Суд прызнаў Навальнага вінаватым у паўторным парадку арганізацыі масавых акцый, піша Бі-бі-сі.
«Калі раней я трапляў за несанкцыянаваны мітынг, то цяпер мяне ўжо за цалкам легальны мітынг арыштоўваюць. Напэўна, гэта такі падарунак на пуцінскі юбілей», - пракаментаваў рашэнне суда Навальны [7 кастрычніка Пуціну споўніцца 65 гадоў].
Кіраўніка Фонду барацьбы з карупцыяй затрымалі на мінулым тыдні, раніцай 29 верасня, у пад'ездзе яго дома. Навальны збіраўся ехаць на вакзал, а адтуль - у Ніжні Ноўгарад, дзе павінен быў прайсці мітынг яго прыхільнікаў.
Паліцыя патлумачыла затрыманне заклікамі палітыка да ўдзелу ў няўзгодненай акцыі. Улады Ніжняга Ноўгарада таксама заяўлялі, што ўзгаднення на мітынг у паплечнікаў Навальнага няма.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі22
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары