04.10.2017 / 16:40

Былы вядучы «Лайфньюс» вяртаецца на БТ 23

Тэлеграм канал «Не БТ», які літаральна за пару тыдняў набраў каля тысячы падпісантаў, паведаміў, што журналіст Канстанцін Прыдыбайла хутка зноў працаўладкуецца на тэлеканале «Беларусь-1».

Хто такі Канстанцін Прыдыбайла? Нарадзіўся ў Варкуце ў 1989 годзе, да 2006 года жыў у Іжэўску. Толькі тады пераехаў у Беларусь, на гістарычную радзіму бацькоў.

Скончыў гуманітарны факультэт БДУ па спецыяльнасці «Сацыяльная псіхалогія». Працаваў на тэлеканале «Беларусь-1», дзе вёў спартыўныя, крымінальныя навіны, перадачу «Добрай раніцы, Беларусь!»

У 2015 Прыдыбайла перабраўся на расійскі прапагандысцкі тэлеканал Life, дакладней на яго аддзяленне Life78 у Пецярбургу. З Расіі Прыдыбайла пісаў скаргі на збор сродкаў на сайт 1863x.com, выступаў супраць маршу студэнтаў, бел-чырвона-белага сцяга.

Летам 2017 Прыдыбайла сышоў з «Лайфа». «Падабралі яго на БТ, дзе з дапамогай Прыдыбайлы хочуць запусціць шоу накшталт «Вячэрні Ургант». Пакуль невядома, ці ён сам будзе весці перадачу, ці не. Але дакументы на яго прызначэнне ўжо падрыхтаваныя», — напісаў ананімны канал «Не БТ».

Сам Канстанцін Прыдыбайла адказаў «Нашай Ніве» ў твітары, што кантракт з «Беларусь-1» пакуль не падпісаны.

Хаця факта таго, што вяртаецца на «Беларусь-1» не адмаўляе. «Так, я вяртаюся на БТ, тут класныя людзі, і я з імі буду працаваць у кайф».

З Прыдыбайлы пасмяяўся блогер Антон Матолька, на што журналіст адказаў: «Паклічу — прыйдзеш?».

«Толькі калі звольняць Давыдзьку ці ён папросіць за ўсё прабачэнні», — адрэагаваў Матолька.

Зміцер Панкавец

3
Беразень / Адказаць
04.10.2017 / 16:55
Няма ў блр.Мове такога - "вядучы" - "ведущий-рус." (причастие)...
Есьць - той, хто вядзе перадачу ці проста - ДЫКТАР
3
Заходні Беларус / Адказаць
04.10.2017 / 16:57
греби дальше, в "сирия тудэй", самоё твоё место там.
1
янка / Адказаць
04.10.2017 / 17:04
Ці не занадта гэтай абразе прафесіі ўвагі? Аматар лёгкіх грошаў за брудную прапаганду - гэта ганьба для любога канала, спадзяюся і нашы дзяржмедыя палічаць гэтак жа. 
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру