04.10.2017 / 17:57

Як не трэба пісаць рэзюмэ — некалькі назіранняў над заяўкамі, дасланымі ў «Нашу Ніву» 35

Апошнія месяцы «Наша Ніва» шукала розных работнікаў — маркетолага, менеджараў па продажах, відэажурналіста, а цяпер і рэдактара раздзела «Гісторыя». Нам напісалі больш за сотню кандыдатаў.

Ёсць шмат годных кандыдатаў, але хапаешся за галаву, калі бачыш больш за палову атрыманых рэзюмэ.

«Доброго времени суток. Меня интересует работа у вас. Имею множество интересов. Пока что работаю на заправке, но недавно понял, что журналистика — это мое призвание. Готов приступить к работе со следующего понедельника. С уважением, Александр». Падобных зваротаў было шмат.

На жаль, у беларускіх школах не праходзяць курс дзелавога этыкету. Але інтэрнэт мае шмат карысных парадаў для тых, хто збіраецца ўладкавацца на працу. Чаму б папярэдне не пачытаць хоць некаторыя з іх?

Можа, класічнае рэзюмэ-анкета ў прыкладзеным файле ўжо і не ў модзе, але паспрабуйце даць больш карыснай інфармацыі пра сябе. Вы можаце ўявіць, што некаторыя нават не лічаць патрэбным указаць свой узрост, а пра імя мы можам меркаваць толькі з адрасу электроннай пошты. Часам гэта morkovka777@mail.ru.

Ёсць, праўда, і іншыя крайнасці, калі рэзюмэ расцягваецца на 10 старонак і тлумачыць, у якім узросце чалавек упершыню ў жыцці адкрыў Microsoft Word. Нават калі не шануеце час рэдактара, які абавязаны прачытаць гэта, пашкадуйце хаця б свае сілы.

Нічога не кажа пра чалавека лепш, чым яго профілі ў сацыяльных сетках. Спрасціце задачу рэдактару, пакіньце адразу спасылкі на іх. Бо ўсё адно ён палезе шукаць вас Укантакце і ў фэйсбуку, каб скласці ўражанне пра вашыя інтарэсы і лад жыцця.

Звычайна на кожную вакансію прыходзіць некалькі дзясяткаў рэзюмэ. Задача прэтэндэнта — пераканаць, што ён будзе найлепшым варыянтам, тым самым адзіным і непаўторным.

Рэд.

2
гыгыгы / Адказаць
04.10.2017 / 18:03
Вывад- нема стронки у сацетках - кидай дурное - идзи у бизнес и працуй на сябе)))
1
sieva / Адказаць
04.10.2017 / 18:03
Пры ўсёй слушнасці ёсць у гэтым пэўная стэрэатыпнасць. У прыватнасці, "сацыяльныя сеткі". Я ведаю нямала людзей, якія прынцыпова не вядуць акаўнтаў у сацыяльных сетках - і маюць на гэта поўнае права. Пры гэтым яны прафесіяналы і паспяховыя людзі. Рэд. Ясна, што з любога правіла могуць быць выключэнні.
2
D) / Адказаць
04.10.2017 / 18:10
вазьміце мяне - у меня ёсць акаунт у LinkedIn and references from influential persons and big bosses)))
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру