Беларускі спецыяліст Эдуард Занкавец прызначаны новым галоўным трэнерам «Слована», паведамляе афіцыйны сайт клуб. Пагадненне разлічана да канца сезона. Ранейшы трэнер Мілаш Ржыга пакідае каманду.
Занкавец узначальваў «Барыс» і вывеў каманду ў плэй-оф у мінулым сезоне, але пасля няўдалага выступлення зборнай Казахстана на чэмпіянаце свету ў першым дывізіёне кантракт з ім не быў працягнуты. Раней ён асіставаў у «Авангардзе», а ў 2009—2010 гг. кіраваў нацыянальнай зборнай Беларусі
«Слован» займае перадапошняе месца ў Заходняй канферэнцыі КХЛ, у актыве каманды 18 балаў пасля 17 матчаў. У мінскага «Дынама» — 10-е месца і 22 балы ў 18 гульнях.
«Дынама» і «Слован» згуляюць у Мінску 11 снежня.
0
0
0
0
0
0