Такім чынам Сцівен як бы намякае: нават зоркі калісьці выглядалі нязграбна, але ў іх усё атрымалася.
Акрамя гэтага, шоумэн паабяцаў, што за кожны фотаздымак будзе пералічваць грошы сем’ям Пуэрта-Рыка, якія пацярпелі ад урагану «Марыя». Невядома, пра якую суму ідзе гаворка, але многія ініцыятыву падтрымалі.
Музыка Пол Макартні
Акцёр Арнольд Шварцэнэгер
Комік Джон Олівер
Актрыса Лена Данэм
Актрыса Кейт Хадсан
Акцёр Кевін Сміт
Не ведаем, ці ўбачыць Сцівен беларускі працяг флэшмобу, але мы папрасілі нашых вядомых людзей таксама падзяліцца архіўнымі фотаздымкамі. Некаторыя вось пагадзіліся.
Актрыса Вера Палякова-Макей
Жонка міністра замежных спраў прызналася, што ў падлеткавым узросце вельмі камплексавала праз лішнюю вагу. У 16 гадоў яна паступіла на акцёрскае аддзяленне Акадэміі мастацтваў і задалася мэтай схуднець: атрымалася скінуць аж 18 кілаграмаў. Вера прызнаецца, што з тых часоў праца над целам для яе не спынялася, працягваецца яна і сёння.
Пісьменнік Віктар Марціновіч
На фота злева Віктар у роднай вёсцы, Малмыгах, вучыцца кіраваць сваім першым у жыцці камбайнам «Ніва». «Тут я камплексую не толькі праз сваю знешнасць, але і праз шапку з пампонам».
Музыка Лявон Вольскі
Лявон ніколі асабліва не камплексаваў, таму проста паглядзіце, як ён змяніўся.
Мастак Андрусь Такінданг
«На здымку я яшчэ малы, але ў юнацтве перажываў, што валасы кучаравыя і немагчыма адгадаваць іх даўгімі, каб трэсці патламі на рок-канцэрце».
Дыетолаг Ірына Кабасакал
«На фота злева мне 7 гадоў, я тады была вельмі худой, з сінякамі пад вачыма, але мяне ніхто асабліва не дражніў менавіта праз знешнасць. Хлопчыкі любілі здзеквацца проста так: плюнуць у гарбату, напрыклад. У адказ я вылівала гэты кіпень ім на галаву. Дзяўчынкі маглі прыляпіць да маіх валасоў жуйку, а я — разадраць ім твар. Карацей, я магла за сябе пастаяць, хоць і не была суперупэўненай у сабе».
