08.10.2017 / 00:14

Уявіце сабе на сцэне ў Мінску Чайкоўскага. Сёння была падзея супастаўная: дырыжыраваў Пэндэрэцкі 7

У Мінску выконвалі Кшыштафа Пэндэрэцкага, і ён сам дырыжыраваў. Для гэтага твора наша Філармонія аказалася замалая. Настолькі яна манументальная — сімфонія-араторыя «Сем брамаў Іерусаліма». І па задуме, і па колькасці выканаўцаў.

Частка аркестра заняла праход, трубач трубіў з балкона. На сцэне мусіла быць тры хары, але ў нас было два. Былі яшчэ салісты, чытальнік, які чытаў Стары Закон па-габрэйску.

Прывезлі два тубафоны — спецыяльна для гэтай сімфоніі прыдуманыя мнагатонныя інструменты, складзеныя з дзясяткаў труб.

Здаецца, нашы аркестр і хары таксама перажылі некалькі непаўторных дзён — працаваць з жывым класікам.

За прыезд 83-гадовага майстра варта падзякаваць Польскаму інстытуту ў Мінску.

Некалькі душэўных дэталяў. З ложы за выкананнем сачыла Эльжбета Пэндэрэцкая, жонка кампазітара. Гэтая арыстакратычная 70-гадовая жанчына проста жыла музыкай, яна не зводзіла з мужа вачэй і яе цела нібы пульсіравала ў рытме сімфоніі.

Кроплі дзёгцю: наша дама з Філармоніі абвяшчала ўсё па-расейску. Хоць бы слова па-беларуску ці па-польску. А над сцэнай вісеў транспарант з назвай фестывалю, дзе ўсяго шэсць слоў, тры па-беларуску і тры па-ангельску, і ўмудрыліся ж яны ў адным з ангельскіх зрабіць памылку. Такая ў гэтым правінцыйнасць, зачуханасць…

Але кепская рамка не здольная сапсаваць вялікую карціну.

Прысутны

2
Борис Коверда / Адказаць
08.10.2017 / 00:29
Troche przesada jezeli chodzi o porownanie Pendereckiego z Czajkowskim :) ale buractwo ktore Pan zauwazyl na scenie jest trafnie...
26
Макс Дизайнер / Адказаць
08.10.2017 / 04:09
Борис Коверда,

Карту поляка получил уже?Не засоряй эфир своим пшеканьем 
0
Квачы, прыляцелi ! / Адказаць
08.10.2017 / 11:23
Правакацыйна названне артыкула. Усе роуна што шукаць другога Быкава, цi Багдановiча, Коласа, цi Купалу. Такiх не будзе.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру