08.10.2017 / 15:35

Дзясяткі тысяч чалавек мітынгуюць у Барселоне супраць аддзялення Каталоніі 30

AFP

Дзясяткі тысяч чалавек сабраліся ў цэнтры Барселоны выказаць пратэст супраць планаў лідараў Каталоніі аб'явіць пра незалежнасць пасля непрызнанага рэферэндуму, на якім 90% выказаліся за аддзяленне ад Іспаніі, піша Бі-бі-сі.

Напярэдадні ў суботу мітынгі ў падтрымку адзінства Іспаніі прайшлі ў сталіцы і іншых буйных гарадах.

Арганізатары ў Барселоне называюць нядзельную акцыю мітынгам «маўклівай большасці», якая выступае супраць рэферэндуму.

Людзі, якія сабраліся трымаюць у руках сцягі Іспаніі і Каталоніі і скандуюць: «Слава Іспаніі», «Каталонія — гэта Іспанія», «Я іспанец, іспанец, іспанец».

Людзі ідуць, свішчуць, а аўтамабілі сігналяць ім у адказ.

Удзельнікі дэманстрацыі сказалі, што вельмі незадаволеныя тым, як каталонскае тэлебачанне асвятляе пратэсты. Па іх словах, раніцай тэлеканалы замест мітынгу паказвалі манастыр Монсэрат.

90% ад 2,3 млн каталонцаў, якія прыйшлі на непрызнаны і забаронены Мадрыдам рэферэндум 1 кастрычніка, прагаласавалі за аддзяленне ад Іспаніі. Яўка пры гэтым склала 43%.

Тыя каталонцы, што выступаюць за незалежнасць, лепш адмабілізаваныя. На мітынгі незалежнікаў збіраліся сотні тысяч людзей.

5
BND / Адказаць
08.10.2017 / 15:46
Ну дык і сапраўды неадназначныя адносіны насельніцтва Каталоніі да пытання аб незалежнасці...
10
Чергинатор / Адказаць
08.10.2017 / 16:09
Тот самый референдум, где можно было с распечатанным бюлетенем придти на участок. Удивлен, что 90, а не 102%.
22
Казік / Адказаць
08.10.2017 / 16:23
Лічу “рэферэндум” у цэлым удалым крокам Каталоніі ў шляху да незадежнасці. Важна гэтую перавагу зафіксаваць і пазней працягваць змаганне з новых пазіцый. Паквапіўшыся зараз на дзяржаўную незалежнасць, можна згубіць увесь здабытак. Спадзяюся, яны гэта разумеюць і вытрымліваюць тэатральную паўзу перад прапановай аб новым фармаце аўтаноміі.
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру