09.10.2017 / 18:26

Непадалёк ад перавалу Дзятлава знойдзеныя невядомыя старажытныя малюнкі  15

За 60 км ад перавалу Дзятлава, што ў Свярдлоўскай вобласці Расіі, пры праглядзе спадарожнікавых фотаздымкаў навуковец заўважыў вялікую колькасць геогліфаў — таямнічых гіганцкіх малюнкаў наўпрост на зямлі.

Кадр з відэа ніжэй

«Знойдзены спадарожнікавыя фотаздымкі найстаражытнейшага геогліфа ў Свярдлоўскай вобласці. Самае цікавае, што гэты дзіўны помнік эпохі неаліту (я думаю, гэта блізка да праўды) раней нікім выяўлены не быў. Знаходзіцца ён усяго за 60 кіламетраў на паўднёвы ўсход ад сумна знакамітага перавалу Дзятлава», — напісаў у сваім блогу даследчык Валянцін Дзегцяроў.

Паводле яго словаў, даўжыня артэфакта — каля 10 кіламетраў, шырыня прыблізна 5 кіламетраў. 

На думку даследчыка, выяўленне такіх геогліфаў пацвярджае, што тэрыторыя вакол перавала Дзятлава была святой для мансі, якія насяляюць гэтыя мясціны.

«Усе малюнкі, а іх там дзясяткі, выбітыя ў грунце, сярод тайгі. Ніякага дачынення да геалогіі або лесанарыхтоўкі яны не маюць. Старажытныя мастакі адлюстравалі нешта такое, што цяпер можна трактаваць дваяк. Аднак яны нагадваюць тое, што падобна на камету ці метэарыт. Іх там некалькі дзясяткаў. [Нагадваюць таксама] вялікую птушку, ну ці тое, што на яе, магчыма, падобна. Дзве гары, паміж якімі ёсць тое, што нагадвае вароты. Магчыма, гэта праход кудысьці. Зрэшты, я нічога не сцвярджаю, бо мы ніколі не даведаемся, што было зафіксавана на гэтых малюнках, зробленых рукамі старажытнейшага народа, які даўно ўжо адышоў у гісторыю», — адзначыў Дзегцяроў.

Містычны перавал Дзятлава атрымаў сваю назву ў памяць аб турыстычнай групе Ігара Дзятлава, якая загінула тут узімку 1959 года пры таямнічых абставінах: усе целы былі знойдзеныя замёрзлымі ў розных позах на дастаткова вялікіх адлегласцях адно ад аднаго. Прычыну смерці турыстаў тады так і не высветлілі, але вылучаюцца розыя здагадкі: ад тэхнагенных катастрофаў (такіх як моцная лавіна) да загадкава-містычных (пракляцце, нападзенне снежнага чалавека або нячыстае сілы).

Ілья Параскевіч

2
Візьму твій бограч / Адказаць
09.10.2017 / 18:38
Дэвіда Лінча на ўсё гэта не хапае...
4
Ахрэм / Адказаць
09.10.2017 / 19:21
Я знайшоў тое месца. У артыкуле мапа перавернутая. Вось спасылка - https://www.google.com/maps/place/61%C2%B034'29.1%22N+60%C2%B045'14.3%22E/@61.5747635,60.7517873,613m/data=!3m2!1e3!4b1!4m14!1m7!3m6!1s0x43ef01d77b58acd5:0x102a3a583f197c0!2z0J_QtdGA0LzRgdC60LjQuSDQutGA0LDQuSwg0KDQvtGB0YHQuNGP!3b1!8m2!3d58.8231929!4d56.5872481!3m5!1s0x0:0x0!7e2!8m2!3d61.5747612!4d60.7539759?hl=ru. Сапраўды дзіуныя там мясціны. Быццам нехта алоўкам пашморгаў. Дзіч, карацей.
6
ягер / Адказаць
09.10.2017 / 20:54
Столько десятков лет тема Дятлова не сходит с уст многих. Много засекреченности, страшные тяжелые смерти 9 целеустремленных и отважных молодых людей....Очень странный и неподдающийся пока обьяснению случай. Если и были действительно испытания ракет совдепа, то давно это было бы известно. Не будет кровавый молот потомков совдепа скрывать гибель девятерых сейчас. Ибо что такое положить 9 для них, они ложили миллионы на алтарь собственных забав, будь то военных или внутренних врагов. Так что на перевале Дятлова произошло НЕЧТО действительно необьяснимое...И эти иероглифы как путь к разгадке многое сказали бы. А погибшим вечная память....Мужественные были люди, практически без экипировки покорять в те годы северные перевалы и маршруты. Нынче таких и не сыскать. Обмелелис....
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру