09.10.2017 / 17:16

Дэпутатка Канапацкая стварае новы палітычны рух, які збіраецца фінансаваць праз краўдфандынг 45

Дэпутатка Палаты прадстаўнікоў Ганна Канапацкая абвесціла аб стварэнні грамадзянскай кампаніі «Наперад, Беларусь!» Пра гэта актывістка АГП напісала на сваёй старонцы ў фэйсбуку.

Адметна, што Канапацкая ўжо першай фразай крытыкуе не толькі ўладу, але і апазіцыю. «Беларусы не вераць не толькі дзейнай уладзе, але і апазіцыі, і маюць важкія асновы для гэтага — адсутнасць поспехаў і перамог улады і апазіцыі прывяло краіну да цяжкага эканамічнага і палітычнага становішча», — адзначае Канапацкая.

«Год майго дэпутацтва прадэманстраваў, што перамены не проста магчымыя, амаль усё гатова для ўвасаблення іх у жыццё. Але аднаго майго голаса мала, мне неабходная падтрымка большасці грамадзян рэспублікі», — піша дэпутатка.

Рух Канапацкай будзе называцца «Наперад, Беларусь!» Па яе словах, гэта «прынцыпова новы палітычны рух у краіне». Мэтамі называецца тое, што рух будзе абараняць правы грамадзян у дзяржаўных органах, а таксама атрыманне дэпутацкай большасці ў парламенце.

Адзначаецца, што структура «Наперад, Беларусь!» будзе гарызантальнай. «Кампанія фінансуецца шляхам збору сродкаў на сваю дзейнасць — краўдфандынга, не з'яўляецца закладнікам палітыкі любых фондаў, арганізацый і прыватных асоб, якія дыктуюць праз прадстаўленыя рэсурсы свае ўмовы», — гаворыцца ў заяве.

Канапацкая абяцае, што кампанія будзе штомесяц справаздачыцца аб патрачаных сродках і выкананай рабоце. «Ніякіх пасадаў у руху не будзе, мы дамо справаздачу за кожную капейку», — абяцае дэпутатка.

Цяпер рух дэкларуе актыўны ўдзел у мясцовых выбарах.

Лідар АГП Анатоль Лябедзька адзначыў, што Ганна Канапацкая не каардынавала з ім ідэю стварэння новага руху.

Зміцер Панкавец

31
Южный / Адказаць
09.10.2017 / 17:16
идея интересная
но уверени ни дадут ни власти, ни оппозиционные мастадонты

27
Справядлівасць / Адказаць
09.10.2017 / 17:30
Хм, даволі цікавы і прагрэсіўны падыход. Паглядзім, як ён будзе ўвасабляцца і што з гэтага атрымаецца.
42
Петр / Адказаць
09.10.2017 / 17:34
Конопацкая - депутат национального собрания,а кто такой Лебедько - политический пенсионер,почувствуйте разницу.
Паказаць усе каментары/ 45 /
Каб пакінуць каментар, калі ласка, актывуйце JavaScript у наладах свайго браўзеру