У Лідзе хлопец стрэліў сабе ў галаву з бацькавай стрэльбы і застаўся жывы, паведамляе прэс-служба УУС Гродзенскага аблвыканкама. Інцыдэнт адбыўся ў пачатку жніўня.
«Стрэльбу бацька пакінуў ля прыпаркаванай каля дома машыны, калі прыехаў па свае рэчы ў дом былой жонкі. Між некалі блізкімі людзьмі зноў распачалася сварка. Пакуль яны высвятлялі адносіны, 22-гадовы сын забраў вінтоўку і пайшоў з ёй у гараж, дзе і выстраліў сабе ў галаву. Малады чалавек атрымаў цяжкія цялесныя пашкоджанні, але цудам застаўся жывы. Пры гэтым, як аказалася, да гэтага хлопец трапіў у вельмі сур'ёзнае ДТЗ. Яму шанцуе», — расказаў першы намеснік начальніка Лідскага РАУС Іван Даўлюд.
У дачыненні да бацькі заведзеная крымінальная справа па арт. 300 (неналежнае захоўванне агнястрэльнай зброі) КК Беларусі.
***
На тэлеграм-канал «Нашай Нівы» можна падпісацца тут.
