13.10.2017 / 09:55

З чаго смяяліся беларусы ў 1937 годзе 10

У 1937 годзе ў Заходняй Беларусі было спакойна. Ніхто не ведаў пра катастрофу, якая вось-вось наваліцца на Еўропу. Беларускія газеты, што друкаваліся ў Вільні, даносілі весткі пра войны ў Абісініі, Іспаніі і Кітаі, дыктатуры ў СССР і Нямеччыне, але гэта ўсё здавалася далёкім.

Ілюстрацыя: Chryścijanskaja Dumka, Nr. 18, 20 кастрычніка 1937 года.

Беларусы абмяркоўвалі на старонках прэсы сваё нацыянальнае і грамадскае жыццё, пісалі вершы і апавяданні і — жартавалі. Вось падборка найлепшых жартаў з віленскай беларускай прэсы («Chryścijanskaja dumka» і «Шлях моладзі») за восень 1937 года.

* * *

— Якая ёсць розніца між кінам і вайною?

— Ну?

— Няма ніякай, бо ў кіне і на вайне найлепшае месца ззаду…

* * *

— Ці гэта праўда, пане капітане, што падчас катастрофы вы мусіце заставацца на караблі да апошняй хвіліны?

— Не заўсёды, ведаеш, пан. Калі б здарыўся выбух, дык мне тады можна вылецець у паветра разам з іншымі пасажырамі.

* * *

— Скажы мне, Ведальскі, якія бачым заўвагі, што Зямля круціцца вакол Сонца?

— Пане вучыцель, я яшчэ гэтага не паспеў заўважыць!..

* * *

Малы Рыська прыйшоў да свайго калегі Віцькі пагуляць; калі ж выходзіў, матка Віцькі, бачачы пад вокам Рыські сіняка, кажа:

— Дзіцятка, як жа ж ты выглядаеш? Дзе ж ты гэткі сіняк набіў?

А Рыська ёй на гэта:

— Няхай пані паглядзіць на свайго сына, ён мае аж тры сінякі.

Падрыхтаваў Кастусь Шыталь

4
Алесь / Адказаць
13.10.2017 / 10:32
Смеяться тогда они могли только от незнания. Сейчас, зная, что было в те годы, только ужас охватывает от того времени.
2
Мимими / Адказаць
13.10.2017 / 10:40
В это время улыбался лишь мертвый, Спокойствию рад... Анна Ахматова
1
Вожык / Адказаць
13.10.2017 / 11:05
шляхетна, не тое, што зараз..
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру