12.10.2017 / 15:52

Улад Казакевіч напаў на кантралёра ў шклоўскай калоніі з самаробным нажом 28

Уладзіслаў Казакевіч напаў на кантралёраў у шклоўскай калоніі, паведаміў афіцыйны прадстаўнік МУС Канстанцін Шалькевіч.

Інцыдэнт адбыўся 12 кастрычніка ў папраўчай калоніі №17. Каля 10.40 пры вывадзе Казакевіча на прагулку падчас правядзення стандартнай працэдуры надгляду спрацаваў металадэтэктар у яго левым рукаве.

«Асуджанаму было прапанавана здаць забаронены прадмет, але ён, не выканаўшы патрабавання вайсковага нарада, правай рукой выхапіў з рукава самаробны нож і паспрабаваў напасці на супрацоўніка адміністрацыі калоніі. Дзякуючы прафесійным, разумным дзеянням начальніка вайсковага нарада кантралёраў, старшага кантралёра ўзвода, прапаршчыка Аляксея Кузана і асабовага складу вайсковага нарада асуджаны Уладзіслаў Казакевіч быў абяззброены», — распавёў Канстанцін Шалькевіч.

На месцы здарэння працуе следча-аператыўная група.

***

У сакавіку 2017 года Мінскі гарадзкі суд прызнаў 18-гадовага студэнта першага курса МІТСА Уладзіслава Казакевіча вінаватым у забойстве супрацоўніцы ГЦ «Новая Еўропа», у замаху на забойства і злосным хуліганстве і прысудзіў яго да 15 гадоў пазбаўлення волі з адбываннем пакарання ў калоніі агульнага рэжыму. Напад у ГЦ «Еўропа» адбыўся 8 кастрычніка 2016 года. Вярхоўны суд 13 чэрвеня 2017 года, разгледзеўшы справу ў апеляцыйным парадку, пакінуў прысуд без зменаў.

4
кузяпанк / Адказаць
12.10.2017 / 16:02
ён на зоне з агульным рэжымам??? мой сябар атрымау 8 год "страгача" за 10 г. канопли... Суддзяу пад суд!
27
змагар / Адказаць
12.10.2017 / 16:07
Рэд. Выдалена.
6
' / Адказаць
12.10.2017 / 16:15
Эх, срок, да ещё срок, да ещё много, много-много сроков. Всецело одобряю!! Так глядишь и насобирает себе на пожизненное - таким образом целиком избавив общество от своего присутствия.
Паказаць усе каментары/ 28 /
Каб пакінуць каментар, калі ласка, актывуйце JavaScript у наладах свайго браўзеру