13.10.2017 / 12:49

Прапаршчык загінулага салдата: «Я не затрыманы. Быў у адпачынку, нічога не ведаю» 78

Набірае абароты тэма смерці салдата Сашы Коржыча ў Печах.

Чытайце пра дзікунскі выпадак: «Выходзь, падла». Ускрываюцца страшныя падрабязнасці смерці салдата і сітуацыі ў Печах увогуле. Віна — на «шакалах»

У паведамленнях СМІ пачала з'яўляцца інфармацыя, што прапаршчык і сяржанты Коржыча затрыманыя, але гэтая інфармацыя не зусім дакладная: на гаўптвахце знаходзяцца толькі два сяржанты, прапаршчык не затрыманы.

Гэта ён сам пацвердзіў «Нашай Ніве».

Прапаршчык Коржыча, пра якога кажуць, што ён забраў у салдата банкаўскую картку і карыстаўся ёй, — гэта ўраджэнец адной з вёсак пад Браславам, Артур Вірбал, 1993 года нараджэння.

Хлопец сам адслужыў у Печах тэрміновую службу, а з 2015 года стаў прапаршчыкам.

Ад абеду ён на допыце ў Следчым камітэце, асабліва нічога не каментуе.

«Самагубства… Я не ведаю, я ж у адпачынку быў», — сказаў ён нам.

Мы адразу ж задалі пытанне пра банкаўскую картку.

«Ну не па тэлефоне ж гэта абмяркоўваць… Я цяпер сам на допыце. Сяржанты на гаўптвахце, мяне не затрымлівалі», — дадаў ён.

З Рэдакцыяй таксама звязалася жонка Вірбала. Яна сцвярджае, што проста не верыць у магчымасць усяго раней апісанага ў СМІ. Маўляў, ён добры і спагадлівы чалавек.

Разам яны не жывуць, але знаходзяцца ў шлюбе.

Бацька прапаршчыка жыве ў вёсцы, маці — у Мінску. Сам ён жыве па месцы службы, у адным з інтэрнатаў Барысава.

Нагадаем перадгісторыю. Нядаўна ў барысаўскіх Печах, дзе праходзяць вучобу салдаты тэрміновай службы, знайшлі павешаным маладога хлопца — 21-гадовага Сашу Коржыча. Ён служыў у 3 школе, 3 роце, 2 узводзе.

Да службы ў арміі Коржыч быў паспяховым хлопцам. Ён добра зарабляў як аўтамеханік, у яго было шмат сяброў, ён вёў актыўны лад жыцця.

21-гадовы Аляксандр Коржыч больш не жыве. Фота з сацсетак. 

Маці і сябры салдата Коржыча сцвярджаюць, што ў часці існуе сістэма пабораў і здзекаў з маладых салдат, якая і прывяла да трагедыі.

***

На тэлеграм-канал «Нашай Нівы» можна падпісацца тут.

Арцём Гарбацэвіч

1
Ytu / Адказаць
13.10.2017 / 12:56
Просто святоша оказывается... ничего не знал и даже не догадывался, а карточку на хранение взял, тьфу...
0
Пацыфіст / Адказаць
13.10.2017 / 12:59
Ну, вядома добры і спагадлівы - служыць жа застаўся ў Пячах. А то мы ўжо пачалі перажываць!
0
Сяргей / Адказаць
13.10.2017 / 13:02
Маўляў, ён добры і спагадлівы чалавек
Усе вы адразу добрыя и спагадлівыя, калі вас за яйкі схопяць.

https://nn.by/?c=ar&i=198990

Паказаць усе каментары/ 78 /
Каб пакінуць каментар, калі ласка, актывуйце JavaScript у наладах свайго браўзеру