13.09.2008 / 22:20

Крыжаўзьвіжаньне ў каталікоў даслана чытачом 4

14 верасьня каталікі як бізантыйскага, так і лацінскага абраду сьвяткуюць Узвышэньне Пачэснага і Жыватворчага Крыжа.

14 верасьня каталікі як бізантыйскага, так і лацінскага абраду сьвяткуюць Узвышэньне Пачэснага і Жыватворчага Крыжа. У грэка-католікаў Крыжаўзвышэньне ўваходзіць у лік двунадзясятых сьвятаў.

Пачатак сьвяту Крыжаўзвышэньня дало асьвячэньне храма Гасподняга Уваскрасеньня ў Ерусаліме, які пабудаваў на Гальгоце рымскі імпэратар Канстанцін Вялікі. Асьвячэньне мела месца 13 верасьня 335 года, а на наступны дзень адбылося ўрачыстае ўзвышэньне адшуканага сьвятога крыжовага дрэва. Пад час узвышэньня прысутныя шматразова ўсклікалі: «Госпадзе, зьмілуйся». Шматразовае паўтарэньне гэтай кароткай малітвы лягло ў аснову розных адмысловых абрадаў узвышэньня крыжа, якія адпраўляюцца ў час сьвяточных богаслужбаў у цэрквах усходняй традыцыі.

Другое ўрачыстае ўзвышэньне крыжа адбылося 14 верасьня 618 года пасьля таго, як бізантыйскі імпэратар Гераклій, перамогшы персаў, вярнуў сьвяты крыж у Ерусалім з 14-гадовай пэрсыдзкай няволі.

Паколькі сьвята Крыжаўзвышэньня нагадвае пра ўкрыжаваньне і сьмерць Хрыста і прыраўноўваецца да Вялікай пятніцы, з даўніх часоў Царква наказвае ў гэты дзень прытрымлівацца строгага посту.

ІГ

0
a. I. L. / Адказаць
14.09.2008 / 00:12
Hetaje sviata sviatkujecca pa novym style nie tolki u Ryma ci Greka-katalikou, ale u dobraj palovy usich pravaslaunych u sviecie. Maskouski patryjarchat trymajecca staroha stylu, ale Pravaslaunaja carkva Ameryki, Kanady, Finlandyji, czastki Grecyji (i usie greki dyjaspary) - zyvic pa novym. Jakich admyslovych abradau? Hospadzie zmilujsia - Kirie Eleison - standartnaja malitva usich chryscijanau, a nie tolki uschodnich. I nie tolki pad czas sviatkavannia Kryzauzvizannia, a cely hod.
0
Gorliwy Litwin / Адказаць
14.09.2008 / 14:47
Kyrie eleisson
0
ІГ / Адказаць
14.09.2008 / 19:43
2 a. I. L. Ойча, мая кароткая нататка не прэтэндуе на ўнівэрсальнасьць, усеабдымнасць ці энцыкляпэдычнасьць. Тое, пра што вы напісалі, выдатна ведаю, як і большасьць чыіачоў "НН". Арыентаваўся на беларускі кантэкст. Наколькі мне вядома, у нас ня шмат канадзкіх, амэрыканскіх, фінскіх ці грэцкіх праваслаўных. Вы маглі б яшчэ дадаць, што ўкраінскія грэка-каталікі сёньня Крыжаўзвышэньне таксама не сьвяткавалі. І гэта будзе праўдай. Пра ўсё не напішаш - доўга і занудна будзе. "Jakich admyslovych abradau?" - абрад сьвятога Апанасія на Атосе, абрад гары Сінай, Канстантынопальскі абрад, абрад старажытнай Русі, галіцкі абрад... Розьняцца яны, сярод іншага, колькасьцю паднясеньняў крыжа і тым, колькі разоў сьпяваюць "Госпадзе, зьмілуйся". Найчасьцей - 100 разоў. Таму на гэтую малітву я і зьвярнуў увагу - трохі выбіваецца са штодзённасьці, ці ня так? Засмучае лёгкая пагарда, якія чытаецца між радкоў у вашым допісе, ойча. Гэта тыповая беларуская рэакцыя - заўважаць паўсюль ТОЛЬКІ хібы ды недакладнасьці, нават калі іх асабліва й няма?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру