Невялікае пацяпленне прагназуецца ў Беларусі 16 кастрычніка, паведамілі БелТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У панядзелак будзе воблачна з праясненнямі. Дзень пройдзе без істотных ападкаў. Ноччу і раніцай у асобных раёнах рэспублікі чакаецца слабы туман. Вецер прагназуецца заходні ўмераны, ноччу па ўсходзе краіны парывісты.
Тэмпература паветра ў начныя і ранішнія гадзіны складзе 7-13 градусаў вышэй за нуль, у другой палове дня - 12-17 градусаў цяпла, у паўднёва-заходніх рэгіёнах краіны слупок тэрмометра пакажа да плюс 20.
