У Оршы падчас пажару ў прыватным доме загінула жанчына. Такая інфармацыя размешчана на сайце Віцебскага абласнога ўпраўлення МНС.

Ілюстрацыйнае фота.

Здарэнне адбылося 14 кастрычніка а 19.58 у доме на зав. Чырвонагвардзейскім. У выніку пажару загінула гаспадыня дома 1996 года нараджэння. Работнікі МНС выратавалі яе бацьку 1967 года нараджэння і малую дачку 2015 года нараджэння.

Дзед і ўнучка з апёкамі і наступствамі атручвання прадуктамі гарэння былі дастаўленыя ў шпіталь.

Прычына пажару высвятляецца.