Усё адбылося ў мінулую пятніцу. 13 кастрычніка каля 13 гадзін у плот дома пад нумарам 13 на адной з вуліц райцэнтра ўрэзаўся «Сітраен». Кіроўца легкавушкі ў аварыі атрымала траўмы і была шпіталізаваная.
Як аказалася, дзяўчына вырашыла развярнуцца на скрыжаванні, але не пераканалася ў бяспецы манеўру. Ад сутыкнення з «Аўдзі» «Сітраен» вылецеў з праезнай часткі, паведамляе БелТА.
Зрэшты, у ДАІ адзначылі, што наўрад ці варта ўсё спісваць на дзень календара. Там падкрэслілі, што адзіная прымета, якая працуе на дарозе, — гэта няўхільнае выкананне правілаў.