Трапічны ураган «Афелія» абрынуўся на Ірландыю. Загінулі па меншай меры тры чалавекі, каля 360 тысяч дамоў засталося без электрычнасці, паведамляюць інфармагенцтвы.
Reuters
Міжнародны аэрапорт Дубліна абвясціў аб адмене 130 рэйсаў. У сталіцы таксама спыненая праца гарадскога транспарту, паліцыя заклікала гараджан адмовіцца ад карыстання аўтамабілямі і без асаблівай патрэбы не пакідаць свае дамы.
Getty
Цяпер парывы ветру ў зоне штармавога фронту дасягаюць 200 км/г. Метэаролагі ўжо назвалі ўраган найбольш значным катаклізмам у Ірландыі за апошнія 50 гадоў.