16.10.2017 / 21:59

Расійскаму філосафу-анархісту забаранілі ўезд у Беларусь на 10 гадоў 6

Філосаф Пётр Рабаў дэпартаваны з Беларусі ў Расію, распавёў РБК арганізатар лекцый філосафа ў Гродне і Баранавічах Яўген Яўгенавіч.

«Рабаў ўжо на волі, але цяпер яму на 10 гадоў забаранілі наведваць нашу рэспубліку», - паведаміў арганізатар.

«Сёння пасля вызвалення Рабаў спыніў галадоўку, і мы падышлі перадаць яму ежы на платформе — да таго моманту чацвёра супрацоўнікаў (праваахоўных органаў) ужо праводзілі Рабава на цягнік да Смаленска. Калі мы спрабавалі перадаць ежу, то супрацоўнікі спрабавалі нас дапытаць, а затым аднаго з праваабаронцаў затрымалі», - распавёў ён. Паводле яго слоў, Рабава ў цягніку таксама суправаджае супрацоўнік у цывільным.

Дацэнт кафедры філасофіі Маскоўскага педагагічнага універсітэта Пётр Рабаў, які прыехаў у Беларусь, каб прачытаць лекцыі па анархізму і палітычнай філасофіі, быў затрыманы міліцыяй 10 кастрычніка.

11 кастрычніка суд горада Баранавічы прысудзіў філосафа да шасці сутак у ізалятары часовага ўтрымання за тое, што расіянін нібыта нецэнзурна лаяўся. У судзе Рабаў абвясціў галадоўку і заявіў, што не згодны з прысудам.

Пётр Рабаў - кандыдат філасофскіх навук, даследуе гісторыю і філасофію анархізму, аўтар кніг «Кароткі нарыс гісторыі анархізму ў XIX-XX стагоддзях», «Гісторыя рускага народа і расійскай дзяржавы» і «Культура Элады».

18
Лушко / Адказаць
16.10.2017 / 22:35
Таким навсегда можно въезд закрывать. Ничего не потеряем.
1
0 / Адказаць
16.10.2017 / 22:43
Расіянін??? Нецэнзурна лаяўся??? На дзесяць год??? Вой!!! Дык так хутка ў нас расіян зусім не застанецца...
4
Сяргей Герман / Адказаць
16.10.2017 / 23:58
Лушко, хіба як і ад Вашага выезду з Беларусі таксама, а нават і здабудзем. Як гэта па-беларуску, не ведаючы пра чалавека нічога, аднаго з інтэлегентнейшых і разумнейшых людзей, які вельмі любіць Беларусь і беларусаў. 
А гэта да рэдакцыі ўжо: Яўген Яўгенавіч не арганізоўваў у Гародні гэтых мерапрыемстваў. Проста ўдакладненне.  
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру