Жыхар Глыбокага за жорсткае двайное забойства асуджаны да 24 гадоў пазбаўлення волі ў калоніі ўзмоцненага рэжыму, паведаміла прадстаўнік пракуратуры вобласці Аксана Балеева, піша БелТА.
У студзені 34-гадовы мужчына трапіў на застолле да двух братоў: сваякі прыехалі на навагоднія святы дадому ў Глыбокае з заробкаў у Расіі. Госць палічыў, што на вечарыне яму нанеслі абразу. Ён затаіў крыўду і вырашыў адпомсціць - але адразу пасля гулянкі зламаў нагу.
План расправы мужчына выношваў некалькі месяцаў. У ноч з 17 на 18 красавіка ён, будучы зусім цвярозым, забіў братоў, прычыніўшы ім множныя ўдары нажом. Загінулым было 54 і 53 гады.
Прысуд у законную сілу пакуль не ўступіў.
0
0
0
0
0
0
