Магілёўскія грамадскія актывісты працягваюць ладзіць флэшмобы супраць высечкі дрэваў. Месяц таму яны арганізавалі ў Пячэрскім лесапарку, якому пагражае высечка, чароўную фотасессію з «ляснымі феямі»:
Фота: Дар'я Сакалова
На гэты раз пратэст насіў больш сацыяльны, палітычны характар.
Жыхары Магілёва выступаюць за тое, каб надаць Пячэрскаму лесапарку статус помніка прыроды. На дадзены момант высечка ў парку прыпыненая. Гараджане перадалі ў мясцовы выканкам зварот з просьбай стварыць на месцы лесапарку «Пячэрскі сад». Пад дакументам падпісаліся 4 тысячы чалавек.