15.09.2008 / 11:26

Спачатку крэслы, а грошы пасьля 5

Міністры замежных справаў ЭC пагадзіліся пачаць перамовы аб скасаваньні санкцыяў супраць Беларусі, але пры ўмове, што парлямэнцкія выбары пройдуць у адпаведнасьці зь міжнароднымі стандартамі.

Міністры замежных справаў Эўрасаюзу пагадзіліся распачаць перамовы аб скасаваньні санкцыяў супраць Беларусі, але пры ўмове, што парлямэнцкія выбары 28 верасьня пройдуць у адпаведнасьці зь міжнароднымі стандартамі.

Такі запіс увойдзе ў канчатковую дэклярацыю сёньняшняга саміту ў Брусэлі.

Уступна міністры дамовіліся, што калі парлямэнцкія выбары адбудуцца паводле дэмакратычных стандартаў, з удзелам міжнародных назіральнікаў, тады будзе магчымасьць адмяніць частку санкцыяў, у прыватнасьці, абмежаваньні на ўезд для беларускіх чыноўнікаў на тэрыторыю ЭС.

Падчас саміту была агучаная прапанова, каб асобам, якія не прымалі ўдзелу ў непасрэдным перасьледзе апазыцыі, дазволіць наведваць Эўразьвяз. Польская дэлегацыя прапануе распачаць перамовы аб зьмяншэньні кошту шэнгенскіх візаў для грамадзян Беларусі.

Сустрэча міністраў ЭС паказала, што па пытаньні нармалізацыі палітыкі ЭС у дачыненьні да Беларусі дзяржавы эўрапейскай супольнасьці выказваюцца адзінагалосна. Скептычна да гэтага падыходзіла толькі Галяндыя, але й яна ў выніку вырашыла падтрымаць польскую ініцыятыву.

Польскае радыё для замежжа

0
Наталля / Адказаць
15.09.2008 / 14:12
Шэрагу эўрапейскіх палітыкаў варта было б падумаць, што яны працягваюць руку дапамогі не Беларусі, а Лукашэнке. У іх нешта там перамкнула ў галовах, і яны разумеюць адно пад другім. А Лукашэнка ў Еўропу зусім не жадае, бо ягоныя грошы толькі хаваюцца ў еўрапейскіх банках, а зарабляе ён на расейскіх нафте ды газе. Дык з кім ён будзе сябраваць? Здагадайцеся з трох раз. Ох нехта лье ваду ў вушы гэтага Еўразвязу. За асобную плату. Няўжо лорд Бэл?
0
якуб мігілёускі / Адказаць
15.09.2008 / 17:13
Ярмошыну ў Эўропу? Ў Бабруйск!!!
0
sanjo / Адказаць
15.09.2008 / 17:36
Адмена санкцыяў будзе залежаць ад парлямэнцкіх выбараў? Дык ужо вядома, што яны будуць прызнаныя.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру