17.10.2017 / 15:32

Cправа Аляксандра Коржыча: распачатыя восем крымінальных спраў супраць 7 сяржантаў і старшыны роты 36

У ходзе выяўлення абставінаў гібелі Коржыча А.А. Следчым камітэтам атрымана інфармацыя аб здзяйсненні шэрагу вайсковых злачынстваў. Распачата восем крымінальных спраў у дачыненні да васьмі вайскоўцаў па арт. 443, 455, 209 Крымінальнага кодэкса Рэспублікі Беларусь, паведамляе прэс-служба СК.

Праводзяцца следчыя дзеянні, накіраваныя на вывучэнне сітуацыі ў цэлым. Сярод разгляданых следствам пытанняў — выкананне службовымі асобамі 72-ага аб'яднанага вучэбнага цэнтра абавязкаў па выкананні законнасці і прадухіленні правапарушэнняў.

На дадзены момант у ліку падазраваных — 7 малодшых камандзіраў (сяржанты), а таксама старшына роты.

Да ўсіх прыменена мера стрымання ў выглядзе заключэння пад варту, рыхтуюцца матэрыялы для прад'яўлення ім абвінавачвання.

Пяць сяржантаў затрыманыя 13 і 14 кастрычніка па падазрэнні ва ўжыванні фізічнага гвалту ў дачыненні да падначаленых курсантаў і сістэматычным атрыманні ад іх цыгарэт і прадуктаў харчавання. Іх дзеянні кваліфікаваныя па ч. 2 арт. 455 Крымінальнага кодэкса Рэспублікі Беларусь.

Дадзеныя крымінальныя справы прынятыя для расследавання галоўным следчым упраўленнем цэнтральнага апарата Следчага камітэта і злучаныя ў адной вытворчасці. Для ўстанаўлення ўсіх абставінаў злачынстваў створана следчая група.

У цяперашні час у мэтах устанаўлення абставінаў гібелі радавога Коржыча А.А. следчымі праводзяцца допыты, вочныя стаўкі, чакаюцца вынікі шэрагу экспертных даследаванняў.

Расследаванне крымінальнай справы працягваецца.

2
беларус / Адказаць
17.10.2017 / 15:39
А как же командир части, командир роты, зам командира части по воспитательной работе, дежурный по части (в тот день когда произошла беда) ?
0
Нацыяналiстка / Адказаць
17.10.2017 / 15:44
Кошт пытання??? - Жыцце Чалавека..... Божа, ратуй Беларусь Маю!!!
1
kww / Адказаць
17.10.2017 / 15:46
А афiцэры нi прычым?!!!!
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру