ТАСС
У Крамлі вырашылі не дапускаць на выбары апазіцыянера Аляксея Навальнага ні пры якіх абставінах, паведамляе «Бі-бі-сі» са спасылкай на суразмоўцу ў адміністрацыі прэзідэнта, які прымаў удзел у абмеркаванні сцэнарыяў выбарчай кампаніі, але не ўпаўнаважаны даваць каментары СМІ.
Рашэнне было прынята пасля некалькіх месяцаў непублічных кансультацый.
Гэта ж пацвярджае і блізкая да адміністрацыі прэзідэнта крыніца. Па словах крыніцы, рашэнне не дапускаць Навальнага прынятае і яно адназначнае.
Як адзначаецца, у якасці апанентаў прэзідэнта Расіі Уладзіміра Пуціна на выбарах прэзідэнта ў Крамлі чакаюць супернікаў ад «малых партый».
Сам Пуцін яшчэ афіцыйна не абвяшчаў пра свой удзел у выбарах.
Раней кіраўнік ЦВК Эла Памфілава заявіла, што Аляксей Навальны зможа ўдзельнічаць у выбарах пасля 2028 года.
***