18.10.2017 / 17:04

У Слуцкім раёне загадчыца з-за нястачы ў касе падпаліла краму 3

Фота УУС Мінаблвыканкама

У Слуцкім раёне загадчыца з-за нястачы ў касе падпаліла краму, інсцэніраваўшы крадзеж, паведамілі ва УУС Мінаблвыканкама.

Паведамленне аб узгаранні крамы ў в. Краснае Сяло Слуцкага раёна паступіла ў міліцыю 17 кастрычніка каля 5.00. Пажарныя высветлілі, што прычынай інцыдэнту стаў падпал будынка. Выявіць зламысніка ўдалося на працягу некалькіх гадзін. Аказалася, што з мэтай утойвання нястачы краму падпаліла 43-гадовая загадчыца, інсцэніраваўшы перад гэтым крадзеж.

«Жанчына некалькі месяцаў давала ў доўг прадукты харчавання вяскоўцам, — растлумачыў начальнік крымінальнага вышуку Слуцкага РАУС Станіслаў Чухольскі. — Грошы за пакупкі вярталіся з пенсій і заробкаў. Але далёка не ва ўсіх атрымлівалася разлічвацца своечасова, таму ў касе паступова ўтварылася нястача. Пры гэтым, напэўна, загадчыца і сама карысталася забароненай махінацыяй. Мяркуецца, што з жніўня па кастрычнік сума запазычанасці дасягнула не менш за 2 тысячы рублёў».

Даваць справаздачу перад рэвізорамі і аплачваць чужыя пазыкі зламысніца не хацела, улічваючы ўжо існуючы ў яе крэдыт для пагашэння чужых даўгоў (яны былі выяўленыя раней — падчас чарговай рэвізіі крамы), таму жанчына вырашыла пайсці на злачынства.

«Ноччу загадчыца вынесла з крамы сейф, адкрыла яго ключом і пакінула непадалёк з невялікай колькасцю капеек ўнутры. Побач яна рассыпала цыгарэты, паклала бутэльку гарэлкі і каўбасу — такім чынам была інсцэніраванпя прысутнасць старонніх, якія нібыта здзейснілі крадзеж і падпал», — распавёў Станіслаў Чухольскі.

Цяпер падазраваная знаходзіцца ў ізалятары часовага ўтрымання. У дачыненні да яе распачатая крымінальная справа па ч. 2 арт. 218 (наўмысныя знішчэнне альбо пашкоджанне маёмасці) КК РБ, санкцыя якой прадугледжвае да 10 гадоў пазбаўлення волі.

0
Маклай / Адказаць
18.10.2017 / 17:27
Вот результат 23-х летнего построения феодально-крепостного строя: верните людям право частной собственности, уберитесь в отставку и жечь ничего не надо будет! А то держитесь за крепостное право ещё от первой оккупации при разделе Речи Посполитой! Ну, не будут люди стараться на помещика и его сатрапов! Не будут!
0
Кент / Адказаць
18.10.2017 / 20:47
Когда был сослан на отработку в деревню после учебного заведения тоже брал в долг в местном магазине, шёл в щитовой "президентский" сарай с неработающей канализацией и непригодной для питья водой из колодца и радовался рабочиим полётам Аляксандра Рыгоравiча по стране.
0
л / Адказаць
25.10.2017 / 12:00
это ж надо додуматься сейф ключом открыть? болгаркой надо было резать!  короче не хватило опыта,  теперь в лагере посидит - набереться опыта
Каб пакінуць каментар, калі ласка, актывуйце JavaScript у наладах свайго браўзеру