Reuters.com
Прэм'ер-міністр Іспаніі Марыяна Рахой адказаў на ліст прэзідэнта Каталоніі Карлеса Пучдэмона, паабяцаўшы прыпыніць дзеянне аўтаноміі Каталоніі. Пра гэта паведамляе El Pais.
У чацвер скончыўся тэрмін ультыматуму, які Мадрыд паставіў каталонскім уладам на растлумачэнне пазіцыі па незалежнасці. Пучдэмон заявіў, што патрабуе ад Мадрыда пачаць дыялог і спыніць «рэпрэсіі», у адваротным выпадку парламент аўтаноміі можа прагаласаваць за незалежнасць.
У адказе ўрада Іспаніі адзначана, што Каталонія «адмовілася адказваць на запыт ўрада». Урад сцвярджае, што «працягне выконваць працэдуры, прадугледжаныя 155 артыкулам Канстытуцыі Іспаніі для таго, каб аднавіць законнае самакіраванне ў Каталоніі».
У наступную суботу, 21 кастрычніка, рада міністраў правядзе экстраную нараду, на якім прыме меры і перадасць гэтае пытанне на разгляд сената. Прывядзенне 155 артыкула Канстытуцыі ў дзеянне магчыма пры падтрымцы сената.
