19.10.2017 / 15:16

У Шатландыі запрацавала першая ў свеце плывучая ветраэлектрастанцыя  1

18 кастрычніка 2017 года нарвежская і арабская кампаніі сумесна запусцілі ў шатландскім Абердыншыры першую ў свеце плывучую ветраную электрастанцыю Hywind. Паводле паведамлення нарвежскай кампаніі, новая станцыя магутнасцю 30 мегават запрацавала наўпрост у моры.

Звычайныя тэхналогіі не дазваляюць усталёўваць ветраныя генератары удалечыні ад берага, дзе глыбіня вады перавышае 60 метраў, хаця марскія зоны з'яўляюцца аднымі з найбольш удалых месцаў для размяшчэння ветраных электрастанцый. Тэхналогія ж стабілізаваных паплаўкоў, выкарыстаная ў Hywind, дазваляе размяшчаць ветраныя генератары на вадзе пры глыбіні да 800 метраў. Гэта дазволіць краінам, якія маюць выхад да мора, размясціць на вадзе большую колькасць ветракоў.

Сама станцыя Hywind знаходзіцца на адлегласці 25 км ад берага.

Яна ўсталяваная на выцягнутым паплаўку даўжынёй 78 метраў, у якім у якасці стабілізуючага баласта выкарыстоўваецца жалезная руда. Таксама паплавок пад вадой утрымліваецца трыма гнуткімі трасамі, замацаванымі на дне з дапамогай цяжкіх 60-тонных блокаў.

Вугал устаноўкі лопасцяў вінтоў ветрагенератара вызначае спецыяльнае праграмнае забеспячэнне, якое вылічае яго ў залежнасці ад кірунку ветру.

nn.by

3
Ррр / Адказаць
19.10.2017 / 15:54
Якая яна плывучая, калI замацаваная...
Каб пакінуць каментар, калі ласка, актывуйце JavaScript у наладах свайго браўзеру