19.10.2017 / 17:24

У Слоніме адрэстаўруюць унікальную барочную сінагогу 10

Міжнародны фонд прафінансуе рэстаўрацыю сінагогі XVII стагоддзя ў Слоніме. Пра гэта стала вядома падчас візіту замежнай дэлегацыі, паведамілі БелТА ў аддзеле ідэалагічнай работы, культуры і па справах моладзі Слонімскага райвыканкама.

wikipedia.org

Пытанні па выкананні рэстаўрацыйных работ з кіраўніцтвам райвыканкама абмеркавалі выканаўчы дырэктар фонду яўрэйскай спадчыны Майкл Мэйл, член брытанскага каралеўскага таварыства мастацтваў і дырэктар міжнароднай дабрачыннай арганізацыі The Together Plan Дэбра Брунэр, старшыня міжнароднай грамадскай дабрачыннай арганізацыі «Дыялог» Артур Ліўшыц. Гэта не першая падобная сустрэча. Сумесныя крокі ў гэтым кірунку абмяркоўваліся ў ліпені 2017 года: ужо тады брытанскі бок правёў збор сродкаў на пачатак першага этапу рэканструкцыі.

Будынак сінагогі размешчаны ў самым цэнтры Слоніма. Пабудаваны ён у сярэдзіне XVII стагоддзя. Цяпер будынак закансерваваны, раней тут быў абноўлены дах. Унутры захаваліся арыгінальныя элементы інтэр'еру. У перспектыве тут створаць музей.

«У Слоніме раней яўрэі складалі больш за 80% насельніцтва. І сёння на радзіму сваіх бацькоў, дзядоў і прадзедаў пастаянна прыязджаюць нашчадкі з іншых краін. Многія з іх наведваюць былы будынак сінагогі. Музей яўрэйскай культуры можа стаць адным з аб'ектаў набіраючага цяпер папулярнасць паклоннага турызму і прыцягнуць у горад дадатковых гасцей», — адзначаюць у райвыканкаме. Там падкрэслілі, што цяпер вядуцца праектныя работы.

Таксама ўдзел у фінансаванні рэканструкцыі плануе прыняць Слонімская Яўрэйская асацыяцыя ў Ізраілі.

0
Быхау / Адказаць
19.10.2017 / 18:11
А замок в Наваградке?
0
Я / Адказаць
19.10.2017 / 19:01
Пакажыце гэтаму фонду i Руданскую сiнагогу- такая прыгадосць унутры разбураецца...
1
Dzmitry / Адказаць
19.10.2017 / 22:10
нарэшце. Абы толькі не абмежаваліся фармаваннем,як гэта было раней.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру