20.10.2017 / 11:33

Мінчук абліў белай фарбай суседа, бо той вучыў яго паркавацца па правілах 45

«Што робяць кіроўцы замест таго, каб не паркавацца на тратуары? Чакаюць цябе каля пад'езда і абліваюць фарбай» — жыхар сталічнага дома па вуліцы Прытыцкага, 78, Аляксандр Рашчынскі на днях пазнаёміўся з добразычлівасцю сваіх суседзяў.

У такім вось адзенні Аляксандр вярнуўся дамоў.

А пачалося ўсё з таго, што на Прытыцкага, 78, паміж 16 і 17 пад’ездамі на тратуары пастаянна пачалі паркавацца машыны — такі чынам там немагчыма было ні нармальна прайсці пешаходам, ні праехаць астатнім аўтаўладальнікам. Асабліва выдзяляліся гаспадары мікрааўтобуса і старога «Фальксвагена». Спачатку Аляксандр проста назіраў за гэтым, пазней вырашыў прыняць меры.

Той самы «Фальксваген».

«Я фатаграфаваў кожны факт парушэння і адпраўляў здымкі ў ДАІ Фрунзенскага раёна. Відаць, суседу пачалі прыходзіць штрафы, бо ў нейкі момант ён зняў са сваёй машыны нумар», — расказаў нам Аляксандр.

Ён сам аўтамабіліст і запэўнівае, што хай не ў самым двары, але побач заўсёды можна знайсці, дзе прыпаркавацца па правілах.

Учора, падчас таго, як мужчына выходзіў з пад’езда, у яго бок паляцела фарба: мужчына сарака гадоў некалькі разоў пырснуў на Аляксандра са слоіка. Хуліган хацеў збегчы, але Аляксандр дагнаў яго і паспрабаваў высветліць, навошта той гэта зрабіў. Адказ быў просты: «Дастаў фатаграфаваць і закладаць у ДАІ».

Той самы «маляр».

На шчасце, Аляксандр сфатаграфаваў твар суседа, таму праваахоўнікам будзе проста прызначыць «маляру» пакаранне: спадар Рашчынскі ўжо падаў заяву ў міліцыю.

***

На тэлеграм-канал «Нашай Нівы» можна падпісацца тут.

КК

13
Ахрэм / Адказаць
20.10.2017 / 11:51
Гопнічкі у спартыўных куртачках - нашыя госці з усходу. І манеры намагаюцца укараніць свае ж.
1
Русафоб непамяркоуны, Змагар, Свядомы, Пан, Беларус-туркабандэравец / Адказаць
20.10.2017 / 11:52
I так у кожным двары быдлу на ауто трэба паркавацца непасрэдна на тратуары альбо газоне. Ен , бачыш ты купiу iржавы б/у драндулет i яно павiнна стаяць каля вакна
2
Беларус з-за мяжы / Адказаць
20.10.2017 / 11:59
Александр молодец. Таких уродцев надо жестко бить рублем. Так до них моментально будет доходить
Паказаць усе каментары/ 45 /
Каб пакінуць каментар, калі ласка, актывуйце JavaScript у наладах свайго браўзеру