20.10.2017 / 22:23

Паліткансультантам Сабчак на прэзідэнцкіх выбарах будзе беларус з Гомеля 12

Штаб тэлевядучай Ксеніі Сабчак, якая 18 кастрычніка заявіла пра свой намер удзельнічаць у прэзідэнцкіх выбарах у Расіі, прыцягнуў дырэктара Цэнтра даследавання постіндустрыяльнага грамадства Уладзіслава Іназемцава для падрыхтоўкі эканамічнай праграмы. Кансультуе кампанію Сабчак паліттэхнолаг Віталь Шкляраў, які працаваў са штабамі Ангелы Меркель, Берні Сандэрса, Барака Абамы і экс-дэпутата Дзярждумы Расіі Дзмітрыя Гудкова.

Шкляраў распавёў РБК, што Сабчак запрасіла яго ў каманду каля тыдня таму. «Я буду адказваць за мабілізацыю, за працу з моладдзю, за ўцягванне як мага большай колькасці людзей», - растлумачыў ён.

Паводле слоў спецыяліста, ён закліканы мабілізаваць «тую частку людзей, дзяўчынак, хлопчыкаў, якія глядзелі «Дом-2», — 18-гадовых, якія нарадзіліся фактычна ў момант інаўгурацыі Пуціна».

Ніякіх канкрэтных задач штаб перад ім не ставіў, і пра дамоўленасці Сабчак з прадстаўнікамі апазіцыі яму не вядома, заявіў Шкляраў.

Віталь Шкляраў нарадзіўся ў Гомелі, вучыўся ў Гомельскім дзяржаўным універсітэце на факультэце замежных моў і паралельна працаваў у дабрачынных фондах, дапамагаючы чарнобыльцам і дзіцячых дамах па лініі Чырвонага Крыжа і дабрачынных арганізацый Германіі.

У 1996 годзе паступіў ва ўніверсітэт у Ніжняй Саксоніі, працаваў на выбарчых кампаніях у гэтай краіне.

Затым пераехаў у ЗША, дзе ў 2008 г. трапіў і ў каманду будучага прэзідэнта ЗША Барака Абамы, а ў мінулым годзе працаваў у кіраўніцтве штаба Берні Сандэрса, што прайграў праймерыз Хілары Клінтан.

***

На тэлеграм-канал «Нашай Нівы» можна падпісацца тут.

***

Паднаготная прэзідэнцкай гонкі ў Амерыцы — у інтэрв’ю з беларусам, які працаваў у кіраўніцтве штаба Сандэрса

3
гарадзенка / Адказаць
20.10.2017 / 22:43
О! Дапаможа зладзіць яшчэ адзін аўкцыён па продажу пасечанага абутку хрышчонай пупкіна.
А ўвогуле НАВОШТА яе ў нас успамінаць??? няхай там у сябе хоць пазадушваюцца.
2
Бордель / Адказаць
20.10.2017 / 22:47
Дедушки и девушка
2
аёй-аёй / Адказаць
20.10.2017 / 22:53
И с таким-то отменным политспециалистом, родом из отсюда, мы имеем 23 года образцовую диктатуру, которой на фиг (чтобы не сказать круче) не нужны никакие политконсультанты...Вот и думай что хочешь про "Слухай бацьку" (с) Сябры. Природный талант, что ни говори. Имею в виду не этого товарища на снимке, а совсем другого товарища - Вечновящике.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру