23.10.2017 / 15:55

«Я сам ва ўсім вінаваты»: 16-гадовы ліцэіст БДУ скончыў жыццё самагубствам  19

Цела 16-гадовага падлетка з прыкметамі падзення з вышыні знойдзена сёння ў Мінску, паведаміла БЕЛТА афіцыйны прадстаўнік СК Юлія Ганчарова.

Інцыдэнт адбыўся каля дома, дзе падлетак жыў.

«На месцы здарэння, дзе з прыкметамі падзення з вышыні было знойдзена цела 16-гадовага падлетка, па папярэдняй інфармацыі, навучэнца ліцэя БДУ, працуе следча-аператыўная група ўпраўлення СК па Мінску», — праінфармавала Юлія Ганчарова.

Вядома, што хлопца звалі Глеб. Яму было 16 гадоў. Глеб вучыўся ў 11 класе, профіль — фізіка.

На сваёй старонцы Укантакце юнак пакінуў статус «Я сам ва ўсім вінаваты».

Пра хлопца навучэнцы кажуць, што вучыўся нармальна, то бок трагедыя наўрад ці звязаная з вучобай. Тое ж паўтарае і адміністрацыя. Дарэчы, падрабязней каментаваць здарэнне ў адміністрацыі ліцэя пакуль адмаўляюцца.

 ***

На тэлеграм-канал «Нашай Нівы» можна падпісацца тут.

УШ

5
Пціч / Адказаць
23.10.2017 / 16:07
Шкілет у Петрыкаве і гэны ліцэіст, абодва па прозвішчу Каленік, мо яны якія сваякі?
3
Гаспадыня / Адказаць
23.10.2017 / 16:08
Прыгожы, разумны хлопец. Што ж ты нарабіў?!... Дзеці, не спяшайцеся пакінуць гэта жыццё. Як бы ні было цяжка, проста пачакайце. Час лечыць. Паверце мне. Час праходзіць і вырашэнне тупіковай праблемы знаходзіцца. Гэта як задача па фізіцы. Вы б’ецеся над ёй і не можаце рашыць. Але праходзіць час, вы штосьці абдумалі, атрымалі новыя веды, пагаварылі з разумным чалавекам, пачыталі кнігу. І раптам разумееце, што рашэнне знойдзена. І вы адчуваеце, што прайшлі нейкую ступень у жыцці, без якой вы не сталі тым, кім вы ёсць. Усе самыя страшныя рэчы, якія з намі адбываюцца, гэта самыя цяжкія задачы, якія патрабуюць часу і высілкаў на іх вырашэнне. Але рашэнне ёсць. Кожнаму даюцца задачы па яго сілах. Адзінае, што трэба абавязкова мець, каб распутаць клубок праблем, гэта ЖЫЦЦЁ.
7
гуппи / Адказаць
23.10.2017 / 16:33
на фото Париж и видна новая православная церковь из-за которой был небольшой скандал.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру