23.10.2017 / 18:53

Лось парушыў беларуска-літоўскую мяжу, пераскочыўшы праз плот ВІДЭА 18

На ўчастку адказнасці памежнай заставы «Маладзечанская» на літоўскім кірунку дзяжурны з дапамогай інтэграванай сістэмы аховы мяжы зафіксаваў незвычайнага парушальніка, паведамляецца на сайце ДПК.

«Нягледзячы на тое, што на асноўных сцежках міграцыі жывёл у сігналізацыйнай сістэме агароджы прадугледжаныя спецыяльныя лазы для бесперашкоднага перамяшчэння лясных жыхароў, загараджальны плот на трываласць праверыў лось. Цару ляснога гушчару тэрмінова спатрэбілася перайсці ў бок суседняй краіны. Не выключана, што «парушальнік без дакументаў» сабраўся на вадапой на бліжэйшую раку Вілія. Менавіта па ёй у гэтым раёне і праходзіць дзяржаўная мяжа паміж Беларуссю і Літвой», — распавялі ў ведамстве.

Характэрна, што штучны інтэлект інтэграванай сістэмы аховы мяжы прааналізаваў характар пераадолення і не падаў сігнал трывогі на заставу, беспамылкова выключыўшы ўздзеянне чалавека. Смаргонскія памежнікі з дапамогай камер сачылі за рашучымі дзеяннямі «парушальніка», для якога двухметровая агароджа не стала сур'ёзнай перашкодай на шляху.

3
Litvin / Адказаць
23.10.2017 / 19:49
Тут нiколi мяжы не iснавала...
2
пресс секретарь / Адказаць
23.10.2017 / 19:49
Не лось -лосиха, у лося могли быть проблемы со здоровьем после прыжка через забор.
1
Pidżama / Адказаць
23.10.2017 / 20:54
даже лось понимает.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру