23.10.2017 / 21:06

Брытанец праплыў сем кіламетраў, ратуючыся ад акулы 7

Джон Крэйг, які займаўся дайвінгам ля берагоў Аўстраліі, праплыў 7,5 кіламетра, ратуючыся ад тыгровай акулы. Па словах брытанца, «цікаўная драпежніца» некаторы час суправаджала яго да берага, паведамляе ВВС.

Getty

Яхта, з якой ныраў 34-гадовы брытанец, адышла ад берага на 7,5 кіламетра і стала ў заліве Шарк за 800 кіламетраў ад Перта. Заліў, назва якога перакладаецца як «Акулавая бухта», штогод прыцягвае каля 120 тысяч турыстаў.

Дасведчаны вадалаз Крэйг пагрузіўся з гарпуном, але калі ўсплыў на паверхню, яхты побач ужо не было. Крэйг пачаў клікаць на дапамогу — і раптам заўважыў побач з сабой акулу.

«Яна была вельмі блізка і праяўляла цікаўнасць — падплывала да мяне з розных бакоў. Яна спрабавала вызначыць, хто я і ці можна мяне з'есці», — распавядае Крэйг.

Па словах брытанца, акула была досыць буйной — каля чатырох метраў у даўжыню, што адпавядае сярэдняму памеру дарослай асобіны.

«Тут я падумаў, што мне канец — я на адлегласці чатырох міль ад берага, а мяне пераследуе велізарная тыгровая акула. Я падумаў, што ўсё скончана, што так я і памру», — кажа Крэйг.

Напалоханы брытанец кінуўся ўплаў. Праз некаторы час ён заўважыў на гарызонце чырвоныя скалы паўвострава Перон і накіраваўся да іх.

John Craig

Акула пераследавала Крэйга на працягу 15 хвілін, але не нападала. «Калі я азіраўся, я бачыў морду акулы, якая выплывала з імглы і амаль датыкалася да маіх ластаў, яна плыла за мной», — распавядае дайвер.

Крэйгу у нейкі момант здалося, што акула суправаджае яго да берага, але праз некаторы час яна знікла.

Праз тры гадзіны Крэйг дасягнуў берага. Адтуль ён убачыў самалёты і лодкі, якія ўдзельнічалі ў пошукавай аперацыі на моры. Прыцягнуць да сябе ўвагу выратавальнікаў Крэйгу не ўдалося, і ён пайшоў пешшу ў кірунку турыстычнай базы.

Праз паўгадзіны Крэйга заўважылі з паветра, а яшчэ праз некаторы час да берага прычаліла лодка з выратавальнікамі.

«Мне не верылася, што нехта здольны праплысці такую адлегласць за гэтак кароткі час. Напэўна, калі цябе падганяе акула, […] гэта нешта накшталт трэнера», — пракаментаваў здарэнне выратавальнік Глен Рыджлі.

0
Тамара / Адказаць
23.10.2017 / 21:16
Маладзец ! віншую жыві 120 год !
0
Падсумуем / Адказаць
23.10.2017 / 21:40
Касцюм аквалангіста хоць адмыў? а то новы нятанны :)))
0
фцф / Адказаць
23.10.2017 / 22:01
Мо троху і збрахаў, у страха вочы вялікія! Але жывы - гэта галоўнае...
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру