24.10.2017 / 18:24

У Малдове міністра абароны прызначылі без згоды і ўдзелу прэзідэнта 8

Указ аб прызначэнні Яўгена Стурзы міністрам абароны Малдовы падпісаў старшыня парламента Андрыян Канду, які для гэтага ўзяў на сябе функцыі часовага выканаўцы абавязкаў прэзідэнта. Як паведамляе малдаўскае выданне Publika.md, новы кіраўнік ведамства, 32-гадовы Стурза, ужо прынёс прысягу.

З 2015 года Стурза з'яўляецца намеснікам старшыні Народна-еўрапейскай партыі Малдовы. Абавязкі кіраўніка абароннага ведамства Малдовы да гэтага часу выконваў намеснік міністра Георгій Галбура.

Пасада міністра абароны стала вакантнай у снежні 2016 года. Ліберальная партыя пазбавіла Анатола Шалару палітычнай падтрымкі, і ўказ аб яго адстаўцы падпісаў прэзідэнт Малдовы Ігар Дадон.

Дадон абвінаваціў Шалару ў «флірце» з НАТА, нагадаўшы аб нейтральным статусе Малдовы. Таксама прэзідэнта абурыла выстава амерыканскай вайсковай тэхнікі на Плошчы вялікага нацыянальнага сходу 9 мая.

Канстытуцыйны суд (КС) Малдовы 20 кастрычніка разгледзеў запыт урада, у якім урад краіны прасіў вызначыць акалічнасці, пры якіх апраўданае часовае выкананне абавязкаў прэзідэнта пры адабрэнні кандыдатуры міністра абароны.

Таксама ўрад папрасіў КС прызначыць таго, хто выканае гэтыя абавязкі. Суд пастанавіў, што абставінамі, пры якіх апраўданае часовае выкананне абавязкаў кіраўніка дзяржавы, з'яўляецца факт адмовы Дадона выконваць свае канстытуцыйныя абавязкі. У прыватнасці, лічаць канстытуцыйныя суддзі, прэзідэнт быў абавязаны зацвердзіць кандыдатуру міністра абароны Стурзы, якую двойчы прапанаваў прэм'ер-міністр. Пры гэтым у сваёй пастанове ад 20 кастрычніка КС не паказаў, хто сапраўды павінен падпісаць указ за прэзідэнта — спікер парламента або прэм'ер-міністр.

Раней, 17 кастрычніка, Канстытуцыйны суд вырашыў, што ў выпадку адмовы прэзідэнта прызначыць прапанаванага Дэмакратычнай партыяй міністра абароны, гэта могуць зрабіць спікер або прэм'ер без згоды і ўдзелу прэзідэнта. Каментуючы рашэнне КС, Дадон заявіў, што не прызнае прызначанага такім чынам міністра абароны. Рашэнне Канстытуцыйнага суда ён назваў узурпацыяй улады і паабяцаў, што кіруючая Дэмпартыя і КС «адкажуць за ўсе беззаконні».

0
Русафоб непамяркоуны, Змагар, Свядомы, Пан, Беларус-ту / Адказаць
24.10.2017 / 19:15
Як крычау мой знаемы з камедыi "Кауказкая палоннiца " : «Таварыш Далдон , вы не выканалi ускладзены на вас высокi давер крамлеускай партыi i кааператыва Возера » У мяне нарадзiуся вершык : «больш не вiдаць папу Дадону самалетау з Беларусi у Малдову »
31
Вот / Адказаць
24.10.2017 / 19:45
Ничего, на следующих парламентских вся эта шобла проиграет.
0
Русафоб непамяркоуны, Змагар, Свядомы, Пан, Беларус-ту / Адказаць
24.10.2017 / 20:53
Гэта добра што НАТА iдзе да нас . Будзем праводзiць сумесныя вучэннi супраць заблуканцау I iхтамняматау
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру