З 2018 года ў праграму капітальнага рамонту вернуць цеплавую мадэрнізацыю.
Пра гэта заявіў віцэ-прэм'ер Анатоль Калінін на сумесным пасяджэнні ў парламенце, адказваючы на пытанне пра мноства калектыўных скаргаў на тое, што цяпер такія працы з праграмы выключаны, і пры гэтым грамадзяне кампенсуюць ўсяго 16% выдаткаў па цеплазабеспячэнні, і павелічэнне кампенсацыі стане вялікай праблемай, піша Tut.by
Калінін распавёў аб стварэнні спецыяльнага інвестфонда, які будзе акумуляваць сродкі жыхароў, бюджэту, крэдыту ЕБРР (гаворка ідзе пра суму 20 млн еўра), сродкаў ад продажу жылля (каля 100 млн рублёў у год). Гэтыя сродкі пойдуць менавіта на пілотны праект (65 дамоў у Мінску) па цеплавой мадэрнізацыі.
У 2015 годзе з пераліку работ па капітальным рамонце выключылі тыя пазіцыі, якія адносіліся да цеплавой мадэрнізацыі будынка. Яе сталі праводзіць толькі пры наяўнасці сырасці, прамярзання кватэр, размешчаных у розных частках будынка - і гэта павінна быць пацверджана экспертным заключэннем.
