Учора на вуліцы Белыя Росы ў Гродне пад коламі аўтамабіля ледзь не апынуліся два пешаходы, якія спяшаліся перабегчы чатырохпалосную дарогу на чырвоны сігнал святлафора, паведамляе autogrodno.by.
Парушальнікі ПДР апынуліся на шляху Peugeot 206. Для кіроўцы легкавіка людзі на дарозе сталі поўнай нечаканасцю, бо агляд сітуацыі на скрыжаванні яму закрываў мікрааўтобус.
Заўважыўшы пешаходаў, кіроўца Pegeot прадэманстраваў усё сваё майстэрства і бліскуча змог спыніць аўтамабіль на мокрым асфальце. Толькі дзякуючы ягонай хуткай рэакцыі пешаходы засталіся цэлымі.
