З пачатку лістапада Дзярждэпартамэнт ЗША пачаў маркіраваць пашпарты грамадзян краіны, якія былі асуджаныя за сэксуальныя злачынствы супраць непаўнагадовых.
На ўнутраным боку задняга форзацу будзе прастаўляцца надпіс «прад'яўнік гэтага быў асуджаны за сэксуальнае злачынства супраць непаўнагадовага і з'яўляецца сэксуальным злачынцам у адпаведнасці са зборам законаў ЗША».
Усім асуджаным па згаданых артыкулах ўлады ЗША анулююць пашпарты. Новыя яны змогуць атрымаць толькі з пазнакай. Пашпарт неабходны грамадзянам ЗША толькі для замежных падарожжаў, унутры краіны ў большасці выпадкаў дастатковым пасведчаннем асобы з'яўляюцца правы кіроўцы або картка сацыяльнага страхавання.
Дакладная колькасць асуджаных па артыкулах аб сэксуальным гвалце супраць непаўнагадовых пакуль невядомая. Поўнымі дадзенымі пра гэта валодае толькі Міністэрства ўнутранай бяспекі ЗША.
