04.11.2017 / 13:47

Стала вядома, калі могуць змяніць сістэму «дарожнага падатку» 16

Фота Сяргея Гудзіліна

Змены ў механізме выплаты «дарожнага збору» будуць ажыццёўлены не раней за 1 студзеня 2019 года. Пра гэта падчас прамой лініі распавёў намеснік міністра фінансаў Уладзіслаў Татарыновіч, піша Tut.by.

Пытанне задала жыхарка Баранавіч. У ходзе размовы гаворка ішла пра тое, што цяперашняя сістэма выплаты дзяржпошліны недасканалая.

— Калі я выплаціла дзяржпошліну, а затым прадала і купіла новую машыну, то мне зноў трэба аплачваць «дарожны падатак». Ці будуць змены, якія і калі? — пацікавілася жыхарка райцэнтра.

— Пагаджуся, што зараз механізм выплаты дзяржпошліны недасканалы: мы атрымліваем такія пытанні і на прамых лініях, у запытах, і дэпутаты неаднаразова падымаюць гэтае пытанне. Таму цяпер усе датычныя ведамствы па даручэнні ўрада разглядаюць і прапануюць, як механізм выплаты дзяржпошліны можна змяніць, — адзначыў намеснік міністра. — Хачу сказаць, што змены будуць прынятыя не раней за 1 студзеня 2019 года. Яшчэ год аўтамабілістам давядзецца перачакаць.

Змены ў дзяржпошліне закрануць два пункты. Па-першае, само паняцце дзяржпошліны прапануюць замяніць падаткам. Для гэтага ў заканадаўстве будуць прыняты адпаведныя папраўкі.

Па-другое, прапануецца адвязаць дзяржпошліну ад працэдуры праходжання тэхагляду і спаганяць яе за фактычнае карыстанне дарожнай сеткай, а таксама дазволіць аўтамабілістам выплачваць пошліну часткамі, як страхоўку.

- Спачатку прапаноўвалі прывязаць дзяржпошліну да страхоўкі. Але гэты варыянт не быў прыняты.

А вось механізм выплаты ў некалькі частак мы разглядаем. Акрамя гэтага, ёсць прапанова спаганяць плату пры фактычным выкарыстанні дарожнай сеткі.

Каб рамкі BelToll або камеры фіксацыі хуткасці счытвалі, выплачаная пошліна ці не. Пакуль мы разглядаем, ці магчыма гэта тэхнічна. Аднак абмоўлюся, пакуль што гаворка ідзе аб праекце і прапановах. Пакуль яны не прынятыя. Як толькі будуць вылучаны прапановы, мы абмяркуем іх з зацікаўленымі ведамствамі, вынесем на грамадскае абмеркаванне, каб людзі выказалі сваё меркаванне.

0
Александр / Адказаць
04.11.2017 / 13:56
И  дороги станут платными..
0
LMI / Адказаць
04.11.2017 / 14:12
А мне вось цікава куды увогуле ідуць тыя грошы??? Дастаў ужо гэты ямачны рамонт прынамсі у маім горадзе. Ужо латку на латку кладуць. А вось грошы здымаюць "сумленна". І мне стокроць пляваць, што тых грошай альбо замала, альбо яшчэ што між ног замінае
0
xxx / Адказаць
04.11.2017 / 14:26
Полнейший бред. Владелец ТС, который проезжает 1000 км в год платит такой же транспортный налог как и тот кто проезжает 100 000 км в год.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру