Сёння ў Мінску адбылося традыцыйнае шэсце ў Курапаты. У ім узялі ўдзел каля 300 чалавек.
Сярод удзельнікаў былі ветэран нацыянальна-вызваленчага руху Ніна Багінская, мастак Аляксей Марачкін, палітолаг Андрэй Ляховіч, выдавец Алесь Мазанік, літаратар Канстанцін Касяк, кіраўніцтва Кансерватыўна-хрысціянскай партыі БНФ, Партыі БНФ, Хрысціянскай дэмакратыі.
Народжаная ў 2014-м Арына Яроменак была адной з наймаладзейшых удзельніц шэсця памяці ў Курапаты. Шэсце адбылося ў нядзелю 5 лістапада ў Мінску.
На фота ніжэй: на плячах у таты, цесляра Уладзя Яроменка.
Удзельнікі неслі нацыянальныя бел-чырвона-белыя сцягі, восеньскія кветкі, самаробныя плакаты з асуджэннем камуністычнай і савецкай спадчыны.
Чытайце таксама: Міліцыя спыніла правакатараў, якія спрабавалі перашкодзіць шэсцю ў Курапаты ВІДЭА
Прынеслі ў Курапаты і новы крыж.
Чытайце таксама: Арганізатары шэсця ў Курапаты папрасілі жанчыну прыбраць плакат супраць дзедаўшчыны
Шэсце да Курапацкай гары доўжылася амаль тры гадзіны.
У Курапатах адбыўся кароткі мітынг. На ім быў зачытаны зварот Зянона Пазняка.
Мастак Алесь Марачкін прыйшоў у Курапаты з самаробным плакатам.
На палітолагу Андрэю Ляховічу (злева) была вялікая нацыянальная стужка.
Наша будучыня — беларускія дзеці.
Святлана Каваленка з Аб'яднанай грамадзянскай партыі (злева) і рэжысёрка Вольга Нікалайчык.
Шэсце ў Курапаты арганізоўвае Кансерватыўна-хрысціянская партыя БНФ. Яно было дазволенае Мінгарвыканкамам. За парадкам на дэманстрацыі сачылі каля 50 міліцыянтаў, над праспектам лётаў міліцэйскі дрон.
Курапаты — гэта месца пахавання ахвяраў савецкага рэжыму. Мяркуецца, што там спачываюць некалькі дзясяткаў тысяч закатаваных.
