05.11.2017 / 15:45

Старшынёй ПЭН-Цэнтра абраная Таццяна Нядбай 22

Таццяна Нядбай. Архіўнае фота.

Паэтка і менеджарка Таццяна Нядбай была абраная старшынёй Беларускага ПЭН-Цэнтра. З'езд гэтай пісьменніцка-журналісцкай арганізацыі адбыўся 5 лістапада ў Мінску.

На гэтай пасадзе яна змяніла паэта і перакладчыка Андрэя Хадановіча.

Першым намеснікам кіраўніка арганізацыі застаўся Павел Анціпаў. 

Другім і трэцім намеснікамі старшыні абраныя паэт і спявак Уладзь Лянкевіч ды літаратарка й перакладчыца Алена Казлова.

У ПЭН-Цэнтр уваходзяць каля 100 аўтараў. Ён уваходзіць у сусветную сетку «Міжнародны ПЭН-клуб». Сярод іншага, нацыянальныя ПЭН-цэнтры маюць права вылучаць кандыдатаў на Нобелеўскую прэмію.

Ангельская абрэвіятура PEN утвораная ад першых літар слоў «Poets, Essayists, Novelists» («паэты, эсэісты, раманісты»). Цяпер арганізацыя прымае таксама журналістаў і выдаўцоў.

Сярод заснавальнікаў Беларускага ПЭНа былі Васіль Быкаў, Рыгор Барадулін і Карлас Шэрман. Ён утварыўся ў 1989.

Чытай таксама: Таццяна Нядбай. Рыбы чуюць тваё маўчанне

nn.by

7
Візьму твій бограч / Адказаць
05.11.2017 / 16:19
а чаму не "старшынькай"? што за сэксізм!
4
Міхаіл / Адказаць
05.11.2017 / 19:57
Выдатная навіна! 
2
19:49 / Адказаць
05.11.2017 / 20:00
Візьму твій бограч, "старшыня" — гэта назоўнік агульнага роду, да яго можна дапасоўваць прыметнікі як у мужчынскім, так і ў жаночым родзе ("новы старшыня" і "новая старшыня"), скланяецца ён увогуле на ўзор назоўнікаў жаночага роду ("са старшынёй") — ЧАГО ВАМ ЯШЧЭ ТРЭБА? Якія фемінітывы? "Старшынька" — гэта наогул ласкальна-памяшальнае.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру