Зорка сусьветнага тэнісу Марыя Шарапава сёньня абвясьціла аб праграме стыпэндый з аб’ёмам у 210 тыс. даляраў для студэнтаў — выхадцаў з раёнаў Беларусі, што пацярпелі ў выніку аварыі на Чарнобыльскай АЭС.
Стыпэндыі дазволяць 12 таленавітым маладым людзям прайсьці поўны курс навучаньня ў Беларускай акадэміі мастацтваў і БДУ. Праграма першапачаткова разьлічана на 4 гады, штогод будуць абірацца тры новыя стыпэндыяты з залічаных на першы курс абітурыентаў.
Раней фонд Марыі Шарапавай выдзеліў 100 тыс. даляраў на рэалізацыю праектаў для дзяцей і моладзі з рэгіёнаў Беларусі, Расеі і Украіны, што пацярпелі ад аварыі на ЧАЭС.
Марыя Шарапава нарадзілася ў 1987 г. у сібірскім гарадку Нягань, куды ейцныя бацькі пераехалі з Гомеля пасьля чарнобыльскай катастрофы
