Міжнародны алімпійскі камітэт (МАК) можа забараніць выкананне дзяржаўнага гімна Расіі падчас зімовых Алімпійскіх гульняў у паўднёвакарэйскім Пхёнчхане. Пра гэта паведаміла ў панядзелак, 6 лістапада, амерыканская газета The New York Times са спасылкай на крыніцы ў МАК.
Фота: AP
Гэтая санкцыя стане пакараннем за допінгавы скандал у Расіі. У якасці іншага варыянту разглядаецца магчымасць адхілення расійскай алімпійскай зборнай ад цырымоніі адкрыцця Алімпіяды 9 лютага.
Канчатковае рашэнне МАК прыме на паседжанні свайго выканаўчага камітэта, якое пройдзе ў Лазане з 5 па 7 снежня, піша Deutsche Welle.
Раней Уладзімір Пуцін заяўляў, што Расея будзе разглядаць поўную забарону на ўдзел расійскай алімпійскай зборнай у зімовай Алімпіядзе ў Пхёнчхане або патрабаванне выступаць пад нейтральным сцягам як «прыніжэньне для краіны».
