У Беларускім нацыянальным тэхнічным універсітэце з наступнага навучальнага года скароцяць тэрмін навучання па большасці спецыяльнасцяў — да 4 і 4,5 гадоў, паведамляе БЕЛТА. Скарачэнне тэрмінаў навучання не закране толькі 14 спецыяльнасцяў, у тым ліку атамнай энергетыкі і горнай справы.
«Што тычыцца тэхналагічнага, эканамічнага, бізнес-кірункаў, то навучальныя планы перапрацоўваюцца. Ужо з наступнага года тэрмін навучання на спецыяльнасцях гэтых профіляў стане меншым. Такая магчымасць з улікам ўкаранення ў навучальны працэс інфармацыйных, лічбавых тэхналогій маецца», — сказаў першы прарэктар БНТУ Георгій Вяршына.
Міністр адукацыі Ігар Карпенка
У пачатку году міністр адукацыі Ігар Карпенка падчас размовы з журналістамі анансаваў скарачэнне тэрмінаў навучання па некаторых спецыяльнасцях ва ўстановах вышэйшай адукацыі. Тады ён абяцаў скарачэнне тэрмінаў навучання прыкладна 50 спецыяльнасцяў.
