У Кангрэсе ЗША ўзгаднілі праект абароннага бюджэту краіны на 2018 фінансавы год, які прадугледжвае 350 мільёнаў даляраў для Украіны, у тым ліку ў выглядзе смяротнай зброі. Дакумент апублікаваны на сайце камітэта па ўзброеных сілах Сената ЗША.
Пры гэтым першапачаткова дазволена выдаткаваць толькі палову сумы, другая частка можа быць выдаткаваная толькі ў тым выпадку, калі кіраўнік Пентагона пераканаецца ў паспяховасці вайсковых рэформаў, якія праводзяцца Кіевам.
Таксама ў законапраекце ўхваляецца вылучэнне $4,6 мільярда даляраў на супрацьдзеянне Расіі ў Еўропе і $100 мільёнаў на дапамогу Літве, Латвіі і Эстоніі для адбіцця расійскай агрэсіі.
Акрамя таго, праект абароннага бюджэту прадугледжвае вылучэнне $58 мільёнаў даляраў на меры ў адказ на парушэнне Расіяй ранейшых дамоваў аб ліквідацыі ракет малой с сярэдняй далечыні.
У цэлым на абаронныя патрэбы мяркуецца вылучэнне $700 мільярдаў, што на $26,1 мільярда перавышае афіцыйны запыт прэзідэнта.
Адзначым, для канчатковага зацвярджэння законапраект павінен прайсці агульнае галасаванне ў Палаце прадстаўнікоў і Сенаце, пасля чаго мае быць падпісаны прэзідэнтам ЗША.
