09.11.2017 / 16:16

Ватыкан цалкам забароніць продаж цыгарэт з новага года 9

Папа Рымскі Францыск даручыў ўвесці забарону на продаж цыгарэт у Ватыкане з пачаткам 2018 года з-за клопату пра здароўе людзей. Продаж цыгарэт прыносіла краіне прыбытак у 11 млн даляраў у год, паведамляе Associated Press.

Кадр з мастацкага фільму «Малады Папа».

Цыгарэты ў Ватыкане прадаюцца для служачых і пенсіянераў у крамах бяспошліннага гандлю па нізкіх коштах, у выніку цана за пачак тут значна ніжэйшая, чым ва ўсіх іншых рэгіёнах Італіі. Супрацоўнікам установаў Ватыкана дазваляюць купляць па пяць каробак у месяц. Многія італьянцы просяць сваіх сяброў, якія працуюць у гэтай краіне, набываць для іх цыгарэты.

Ватыкан прызнае, што продаж цыгарэт сталася крыніцай даходу для краіны. Аднак усё ж вырашыў ад яго адмовіцца. «Святы прастол не можа спрыяць дзейнасці, якая відавочна шкодзіць здароўю людзей», — сказана ў заяве ўладаў Ватыкана.

У паведамленні прыводзяцца дадзеныя Сусветнай арганізацыі аховы здароўя (СААЗ), згодна з якімі курэнне з'яўляецца прычынай больш за 7 млн смерцяў штогод ва ўсім свеце.

Аднак пры гэтым Ватыкан не плануе спыняць продаж цыгараў.

Хочаш падзяліцца важнай інфармацыяй ананімна і канфідэнцыйна?

AP

2
anti-vasia / Адказаць
09.11.2017 / 16:19
Як першы сказ паведамлення дапасоўваецца да апошняга?
4
Finish American Tobacco / Адказаць
09.11.2017 / 17:26
А цыгары - не наркотык? Таксама трэба спыніць продаж. Няўжо святыя айцы не разумеюць простых ісцін?
1
кузяпанк / Адказаць
09.11.2017 / 17:28
беларусы, чули куды трэба кантрабандныя сиги вазиць?))
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру